ಚೈನೀಸ್ ಆಹಾರಪದಾರ್ಥಗಳು : ಭಾರತೀಯರ ಮನಸ್ಸಿಗೆ ಬಿಟ್ಟ ವಿಷಕಾರಿ ಚೀನಿ ಡ್ರ್ಯಾಗನ್‌ !

ಒಂದು ಮೂತ್ರಪಿಂಡ ನಿಷ್ಕ್ರಿಯಗೊಂಡ ರೋಗಿಯ ಅಧ್ಯಯನ ಮಾಡುವಾಗ, ಚೀನಿ ಆಹಾರಪದಾರ್ಥಗಳ ವಿಷಕಾರಿ ಗುಣಧರ್ಮದ ಅರಿವಾಯಿತು. ಡಯಾಲಿಸಿಸ್‌ಗಾಗಿ ಆಸ್ಪತ್ರೆಗಳಿಗೆ ಸುತ್ತಾಡುವ, ಯುವ ವಯಸ್ಸಿನ,  ದೃಢಕಾಯ ಶರೀರವಿರುವ  ಈ ರೋಗಿ ನಮ್ಮ ದೂರದ ಸಂಬಂಧಿಕನಾಗಿದ್ದಾನೆ. ಅವನ ರೋಗದ ಅಧ್ಯಯನ  ಮಾಡುವಾಗ ಅವನಿಗೆ  ಚೈನೀಸ್ ಆಹಾರಪದಾರ್ಥಗಳನ್ನು ತಿನ್ನುವ ಭಯಾನಕ ರೂಢಿಯಿತ್ತು ಎಂಬುದು ಗಮನಕ್ಕೆ ಬಂದಿತು. ಆದುದರಿಂದ ಅವನ ಈ ಆಹಾರದ ಅಭ್ಯಾಸವು ಅವನ ಮೂತ್ರಪಿಂಡಗಳ ಮೇಲೆ ಏನಾದರೂ ಪರಿಣಾಮವನ್ನು  ಮಾಡಿರಬಹುದು ಎಂದು ಗಮನಕ್ಕೆ ಬಂದಿತು.

ಆದರೆ ಕೇವಲ ಈ ಒಬ್ಬ ರೋಗಿ ಇದಕ್ಕೆ ಸಾಕ್ಷಿಯಾಗಲು ಸಾಧ್ಯವಿರಲಿಲ್ಲ; ಆದುದರಿಂದ ಮೂತ್ರಪಿಂಡ ನಿಷ್ಕ್ರಿಯವಾಗಿರುವ ಪ್ರತಿಯೊಬ್ಬ ರೋಗಿಗೆ ನಾನು ಈ ಪ್ರಶ್ನೆಯನ್ನು ಕೇಳಲು ಪ್ರಾರಂಭಿಸಿದೆ; ಆಶ್ವರ್ಯವೆಂದರೆ ಯುವ ವಯಸ್ಸಿನಲ್ಲಿ ಮೂತ್ರಪಿಂಡಗಳ ನಿಷ್ಕ್ರಿಯವಾದ ರೋಗಿಗಳಲ್ಲಿ  ಶೇ. ೭೦ ರಿಂದ ೮೦ ರೋಗಿಗಳು ಸತತವಾಗಿ ಚೈನೀಸ್  ಆಹಾರವನ್ನು ಸೇವಿಸುವವರಾಗಿದ್ದರು.

ನಮ್ಮ ಮೇಲೆ  ಇಷ್ಟೊಂದು ವಿಷಕಾರಿ ಪರಿಣಾಮವಾಗಲು ಚೈನೀಸ್ ಆಹಾರದಲ್ಲಿ ಅಂತಹದ್ದೇನಿದೆ ? ಉದಾಹರಣೆ ಎಂದು ನಾವು ಸೋಯಾ ಸಾಸ್ ಮತ್ತು ಅಜಿನೋಮೋಟೊದ ಬಗ್ಗೆ ಮಾಹಿತಿಯನ್ನು ತಿಳಿದುಕೊಳ್ಳೋಣ.....

೧. ಸೋಯಾ ಸಾಸ್

ಚೀನಾದಲ್ಲಿ ಸೋಯಾಬೀನ  ಮತ್ತು ಗೋದಿಯನ್ನು ಒಂದು ವರ್ಷ ಕೊಳೆಸಿ ಸೋಯಾ ಸಾಸ್‌ವನ್ನು ತಯಾರಿಸುತ್ತಾರೆ. https://www.youtube.com/watch?v=queVIA4xLgl ಈ ಲಿಂಕ್‌ಗೆ ಹೋಗಿ ತಾವು ಈ ಪ್ರಕ್ರಿಯೆಯನ್ನು ನೋಡಬಹುದು. ಯಾವುದೇ ದೀರ್ಘಕಾಲದ ವರೆಗೆ  ಕೊಳೆಸಿದ ಪದಾರ್ಥವನ್ನು ತಿಂದರೆ, ಮನುಷ್ಯನ ಶರೀರದಲ್ಲಿನ ಓಜಸ್ಸು ಮತ್ತು ತೇಜಸ್ಸು ಅಲ್ಪವಾಗುತ್ತದೆ. ಪಚನ ವ್ಯವಸ್ಥೆ ಹಾಳಾಗಿ ಬೇಗನೆ ವೃದ್ಧಾಪ್ಯ ಬರುತ್ತದೆ. ಸೋಯಾ ಸಾಸ್‌ನಲ್ಲಿ ಯಕೃತ್ತಿಗೆ ಹಾನಿಯನ್ನುಂಟು ಮಾಡುವ ಉಪ್ಪಿನ ಪ್ರಮಾಣ ಆವಶ್ಯಕತೆಗಿಂತ ಹೆಚ್ಚಿರುತ್ತದೆ.

ಇದಕ್ಕಿಂತ  ದೊಡ್ಡ ಸಂಕಟವೆಂದರೆ ಭಾರತದಲ್ಲಿ ಯಾವ ಸೋಯಾ ಸಾಸ್ ಸಿಗುತ್ತದೆಯೋ, ಅದನ್ನು ಒಂದು ವರ್ಷದ ವರೆಗೆ ಕೊಳೆಸುವ ತಾಳ್ಮೆ ಯಾರಿಗೂ ಇರುವುದಿಲ್ಲ;  ಆದುದರಿಂದ ಬೇರೆ ಬೇರೆ ರಸಾಯನಿಕಗಳನ್ನು ಬಳಸಿ ಕೃತಕ ಪದ್ಧತಿಯಿಂದ ಈ ಸಾಸ್‌ವನ್ನು ತಯಾರಿಸುತ್ತಾರೆ. ಇದರಿಂದ ಮೊದಲಿನ ವಿಷಕಾರಿ ಸೋಯಾ ಸಾಸ್‌ನ ವಿಷಕಾರಿ ಗುಣಧರ್ಮಗಳು ಇನ್ನೂ ಅನೇಕ ಪಟ್ಟು ಹೆಚ್ಚಾಗುತ್ತವೆ.

೨. ಅಜಿನೋಮೋಟೊ

ಅಜಿನೋಮೋಟೊ, ಇದು ತರಕಾರಿಗಳನ್ನು ಮೃದು ಮಾಡುವ ಒಂದು ಪದಾರ್ಥವಾಗಿದೆ. ಸಾಧಾರಣ ಉಪ್ಪಿನಂತೆ ಎಂದು ಹೇಳಬಹುದು. ಇತ್ತೀಚೆಗಿನ ಸಂಶೋಧನೆಗನುಸಾರ ಈ ಪದಾರ್ಥವು ಅರ್ಬುದರೋಗಕ್ಕೆ ಖಂಡಿತವಾಗಿಯೂ ಕಾರಣವಾಗಿದೆ. ಇದು ಆಹಾರದ ರುಚಿ ಮತ್ತು ಬಣ್ಣವನ್ನು ಕೃತಕ ರೀತಿಯಲ್ಲಿ ಹೆಚ್ಚಿಸುವ ಪದಾರ್ಥವಾಗಿದ್ದು  ತರಕಾರಿಗಳ ಬಣ್ಣವನ್ನು ಹೆಚ್ಚಿಸುತ್ತದೆ ಮತ್ತು ಅವು ಆಕರ್ಷಕವಾಗುತ್ತವೆ. ಇದು ಎಂತಹ  ವಿಚಿತ್ರ ಪದಾರ್ಥವಾಗಿದೆ ಎಂದರೆ,  ಒಬ್ಬ ವ್ಯಕ್ತಿಯ ಪಲ್ಯದಲ್ಲಿ ಒಂದು ಚಿಟಿಕೆಯಷ್ಟು ಅಜಿನೋಮೋಟೊ ಸಾಕಾದರೆ, ಹತ್ತು ವ್ಯಕ್ತಿಗಳ ಪಲ್ಯಕ್ಕೂ ಒಂದು ಚಿಟಿಕೆಯಷ್ಟೇ ಅಜಿನೋಮೋಟೊ ಸಾಕಾಗುತ್ತದೆ; ಇದರಿಂದ ಅದರ ಹಾನಿಕರ ಗುಣಧರ್ಮದ ಕಲ್ಪನೆ ಬರಬಹುದು.

ಹೀಗೆಯೇ ಬೃಹತ್ ಪ್ರಮಾಣದಲ್ಲಿ  ಪದಾರ್ಥಗಳನ್ನು ಉಪಯೋಗಿಸಿ ನಮ್ಮ ಆರೋಗ್ಯಕ್ಕೆ ಹಾನಿಕರವಾಗಿರುವ ಚೈನೀಸ್  ಪದಾರ್ಥಗಳನ್ನು ತಯಾರಿಸಲಾಗುತ್ತದೆ.

ಅರ್ಧಹಸಿ ತರಕಾರಿ ಮತ್ತು ಮಾಂಸದ ಪ್ರಮಾಣವು ಚೈನೀಸ್ ಆಹಾರದಲ್ಲಿ ಬಹಳಷ್ಟಿರುತ್ತದೆ. ನಮಗೆ ಸಿಗುವ ಚೈನೀಸ್ ಪದಾರ್ಥಗಳೆಂದರೆ ಮೇಘಾಲಯ ಮತ್ತು ಮಣಿಪೂರದಲ್ಲಿನ ಜನರು ವಿಚಿತ್ರ ಬದಲಾವಣೆ ಮಾಡಿದ ಒಂದು ವ್ಯಂಜನವಾಗಿದೆ.

ಇದರ ಒಂದು ಉದಾಹರಣೆ ಎಂದರೆ ಮಂಚಾವ ಸೂಪ, ನಮಗೆ ಸಿಗುವ  ಮಂಚಾವ ಸೂಪ ಚೈನೀಸ್ ಪದಾರ್ಥವೇ ಅಲ್ಲ ಮತ್ತು ಆಹಾರ ಹಾಗೂ ತರಕಾರಿಯನ್ನು ಹುರಿಯುವ ಪದ್ಧತಿಯು ಚೀನಿಯರದ್ದಾಗಿರದೇ, ಅದೂ ಸಹ ಅತ್ಯಂತ ದೋಷಯುಕ್ತ  ಮೇಘಾಲಯದ ಕೊಡಗೆಯಾಗಿದೆ. - ಡಾ. ಸಚಿನ ಜಾಧವ, ಸುಖಾಯು ಹೆಲ್ತಕೇರ್, ಕೆನಡಾ ಕಾರ್ನರ್, ನಾಸಿಕ.

 (ಆಧಾರ : ವಾರಪತ್ರಿಕೆ 'ಸನಾತನ ಪ್ರಭಾತ')

ಆಹಾರದ ವಿಷಯದ ಲೇಖನಗಳನ್ನು ಓದಲು ಕ್ಲಿಕ್ ಮಾಡಿ.